एक सिंगे गैंडाको बासस्थान भनेर चिनिने चितवन यहां रहेको चितवन राष्ट्रिय निकुञ्ज र यस वरपरका सामुदायिक वनहरुमा पाइने अन्य दुलर्भ वन्यजन्तुहरुका कारण पनि उत्तिकै परिचित छ । चितवन राष्ट्रिय निकुञ्ज भित्र पाइने, पाटेबाघ, लगुना, गौरी गाई, मृग, भालु लगायतका जंगली जनावर, निकुञ्ज भित्र रहेको घडियाल गोही प्रजनन केन्द्र, र विभिन्न किसीमका किराफटेगं्रा, चराचुरुगीं हेर्न वर्षेनी हजारौ स्वदेशी तथा विदेशी पर्यटकहरुको आइरो लाग्ने गर्दछ । नेपालकै पुरानो र ठुलो चितवन राष्ट्रिय निकुञ्जमा पाइने यीनै दुर्लभ वन्यजन्तु, जैविक विविधताले चितवनको वन्यजन्तु पर्यटनको सम्भावनालाई अझै विस्तार गरेको छ । विश्व सम्पदा सुचीमा समेत सुचिकृत यस निकुञ्ज भित्र रहेका ठुला घांसे मैदान, सिमसारक्षेत्र, ताल र यहां पाइने चराहरुको चिरविर आवाजले पर्यटकहरुलाई आकर्षण गरिरहेको छ । त्यसमा पनि हात्तीमाथी चढेर जंगल घुम्न पाइने हुनाले निकुञ्ज भित्रका जंगली जनावर हेर्न झनै सजिलो भएको छ । जसले गर्दा पर्यटकको संख्यामा बृद्धि भएको देखिन्छ ।

 

 

२ सय ५५ वर्ष पहिले पृथ्वीनारायण शाहका नाती शत्रुभञ्जन शाहबाट निर्माण गरिएको उपरदागंगढी चितवन जिल्लाको सवैभन्दा महत्वपुर्ण ऐतिहासीक स्थल हो । यो गढी चितवनको पुरानो सदरमुकाम पनि हो । चितवनमा रहेका ऐतिहासिक स्थलहरु मध्ये पवित्रतिर्थस्थल देवघाटधाम, वालमिकि आश्रम, कविलासपुरगढी,बागेश्वरी,चिसापानीगढी, सोमेश्वरगढी र पाण्डवनगर लगायतका स्थलहरु पनि ऐतिहासिक स्थलहरु हुन् ।

 

पर्यावरणीय पर्यटनको केन्द्र विन्दु चितवन राष्ट्रिय निकुञ्ज जुन जैविक विविधताले सम्पन्न निकुञ्जको रुपमा परिचित छ  यस निकुञ्ज र वरीपरीका सामुदायिक वनहरुमा पाइने एक सिंगे गैंडा र दुलर्भ वन्यजन्तुले यस निकुञ्जको गरिमालाई निकै उंचो बनाएको छ ।  यस निकुञ्ज भित्र रहेका सिमसार क्षेत्रमा साइवेरीया लगायत दक्षिण एशियाली मुलुकहरुबाट ५ सय ७० किसिमका चराहरु आउने गरेको छ भने निकुञ्ज लगायतका जंगलहरुमा  १ सय ६५ जातका वनस्पति, जडिबुटी पाइन्छ ।  निकुञ्ज भित्र रहेका तालहरु र  चितवनका  नदिहरुमा १ सय २६ जातिका माछाहरु पाइन्छ । निकुञ्जमा ४३ किसीमका महत्वपूर्ण जनावरहरु,  ५६ जातिका स्तनधारी र १ सय ५० जातका पुतलीहरु पाइन्छन् । प्रकृति र समाज विचको सम्बन्धीत रुप पर्यायावरणीय पर्यटनले प्रकृति र समाजमा प्रतिकुल प्रभाव पार्न बाट जोगाउन मद्दत गरेको हुन्छ  ।

 

 

चितवनमा रहेका पर्यटकिय सम्भावनाहरु मध्ये धार्मिक पर्यटन पनि एक हो । ऐतिहासिक पवित्र तिर्थस्थल देवघाट,  द्धापरयुगमा सीता पाताल प्रवेश गरेको

जन विश्वास रहेको वाल्मिकी आश्रम, मौलाकालिका मन्दिर, सोमश्वर कालिका, सोमेश्वर पर्वतको पश्चिम तर्फको शिखरमा रहेको गोद्धक परशुराम कुण्ड लगायतका धार्मिक स्थलहरुको प्रचार प्रसार उचित विकास गर्न सके चितवनमा धार्मिक पर्यटनको विकास हुने प्रवल सम्भावना देखिन्छ ।

 

सांस्कृतिक पर्यटन

विभिन्न जातजाति र भाषा भाषीका मानिसहरुको बसोबास रहेको चितवनमा जातिय भेषभुषा झल्कने नाच र झांकीहरुले चितवन आउने जो कोहीलाई पनि लोभ्याउने गरेको छ । थारु जतिका लठ्ठी नाच, झम्टा नाच होस् या अन्य जातिका कौडा नाच, सवै किसीमका नाचले चितवन हेर्न आउनेहरुलाई निकै मनोरञ्जन दिने गर्दछ । फरक फरक समुदायका धर्म, भाषा, साहित्य, पेशा, कला, चाडपर्व, बाजागाजा, गीत, लोपोन्मुजातिका रहनसहन, भेषभुषा र परम्परालाई दिगो वनाउन सके चितवनमा सांस्कृतिक पर्यटन विकासलाई  माथि उकास्न सकिन्छ ।

 

 

आन्तरीक तथा बाहिय पर्यटकहरुको आकर्षणको केन्द्रविन्दु सांस्कृतिक संग्रहालय, ग्रामिण क्षेत्रमा फष्टाउंदै गएको होम स्टे, नमुना गाउं, विभिन्न जातजातिका सांस्कृतिक रहनसहनले ग्रामिण पर्यटन विकासलाई ठुलै टेवा पुरयाएको छ ।

गृहपृष्ठ


चितवनमा व्यवसायीक रुपमा होटल व्यवसाय संचालन हुन थालेपछि बिस्तारै बिस्तारै पर्यटन व्यवसायको पनि विकास हुन थालेको हो । वास्तवमा पर्यटन भनेको आन्तरिक तथा बाह्य पर्यटकहरुद्वारा कुनै एक निश्चित ठाउंको भ्रमण गर्ने कुरालाई बुझिन्छ । विशेषगरी चितवनको सौराहा क्षेत्र पर्यटकीय दृष्टिले विकसित हुंदै गएपछि उक्त क्षेत्रमा पर्यटकहरुलाई खाने र बस्ने सुविधा प्राप्त गर्न होटलहरु स्थापना हुन थालेका छन् । पहिले सामान्य गुन्द्रीबाट शुरु भएका होटल एवं लजहरु अहिले समय अनुसार विकसित हुंदै गएका छन् । प्रायगरी पर्यटन व्यवसायीसग प्रत्यक्ष सरोकार राख्ने व्यवसाय भनेको होटल व्यवसाय हो । सम्पूर्ण होटल व्यवसायीहरु आफ्नो व्यवसाय प्रवद्र्धन एवं पर्यटक आगमनमा वृद्धि गर्न पर्यटन व्यवसाय शुरु गरेका हुन् । पर्यटन प्रवद्र्धन गर्न सके पर्यटक बढ्नुका साथै आयआर्जनमा वृद्धि हुने हुंदा होटल व्यवसायी एवं संरक्षणप्रेमीहरुको संयुक्त पहलमा औपचारिक रुपमा चितवन पर्यटन विकास समितिको स्थापना गरिएको हो । सौराहा लगायत चितवनका विभिन्न पर्यटकीय स्थलहरुमा पर्यटकको संख्या बढ्दै गएपछि पर्यटकहरुको चितवन बसाई सहज र सुविधाजनक बनाई पर्यटकीय गन्तव्यहरुको प्रवद्र्धन गर्ने उद्देश्यले पर्यटन विकास समिति स्थापना गरियो ।

जिल्ला विकास समिति चितवनको अगुवाई र होटल व्यवसायीहरुको सक्रियतामा वि।सं। २०५७ सालमा चितवन पर्यटन विकास स्थापना गरिएको हो । समितिको स्थापनापछि चितवनको पर्यटन प्रवद्र्धनमा सहजता भएको छ । समितिले विभिन्न पर्यटकीय गन्तव्यहरुको उजागार गरी उक्त ठाउ“को प्रवद्र्धन गर्न टेवा पु¥याएको छ । समितिमा प्रयाप्त स्रोत साधन हुन नसक्दा सोचे अनुरुप काम गर्न सकिएको छैन ।

हाम्रो बारेमा



 

 

चितवन पर्यटन विकास समिति

भरतपुर, चितवन

फोन नं. : ०५६५२७७९८

इमेलः info@ctdc.org.np

 

 

पर्यटन गतिविधी

चितवन राष्टिय निकुञ्जको मुख्य प्रवेशद्वार नजिकै रहेको, पर्यटकिय सम्भावना बोकेको सितामाई प्रचार प्रसारको अभावमा ओझेलमा. . .

बाँकी अशं

जलमार्ग

पवित्र तिर्थस्थल देवघाटधाम देखि गोलाघाट, त्रिवेणीधाम हुंदै बाल्मिकी आश्रम सम्म जलमार्गको विकासका लागि सम्भाव्य अध्ययन अवलोकन

बाँकी अशं

जैविक विविधता सुचना

टिकौली जंगल संग जोडिएको जैविक विविधता सुचना केन्द्र प्रचार प्रसारको अभावमा ओझेलमा. . .

बाँकी अशं

थारु संग्रहालय

थारु जातिका कला,संस्कृति र रहनसहन झल्कने बस्तुहरु थारु संग्रहालयमा देख्न पाइन्छ ।. . .

बाँकी अशं

Site Login